Dialekt-Liedtext: "Warum cha das nid passiere?"

Warum cha das nid gscheh
Dass mir im Voruus gseh
Was für Schade mir aarichte?
Ohni die Angscht
Dass es nid klappt
Und d'Medie schlächt brichte?

Warum cha das nid passiere?
Mir chöi nid Alls dürestiere
Aber Fride söttis jetz doch ändlich gäh

Warum cha das nid gah
Dass mir ds Glück chönnte ha
Wo mir gloube, mir hei's verdient?
Ohni z'bättle
Oder z'stähle
Würklich ehrlich verdient

Warum cha das nid passiere?
Mir chöi nid alls dürestiere
Aber soziale Gliichstand sött's doch gäh

Warum cha das nid sii
Dass mir Alli gliich sii
Egal, was für ne Huutfarb
Vo welem Land
All Hand in Hand
E schwarzi Hand färbt nid ab

Warum cha das nid passiere?
Mir chöi nid Alls dürestiere
Aber Rassismus söttis hüüt nümme gäh

Warum cha das nid passiere?
Mir chöi nid Alls dürestiere
Aber niemmer darf üs üsi Hoffnig näh!