Dialektsongtext: "Dadrzue fallt mir nüt ii"

Terroranschläg in Paris,
New York und Washington;
überall herrscht Terrorangscht.
Was hei die bloss drvo?

        Dadrzue fallt mir nüt ii,
        mir nüt ii.
        Dadrzue fallt mir nüt ii.

Mönscheschmuggler schmuggle Lüt
über nes Gränzgebiet.
Was mit dene Lüt nähr gschieht,
bedütet ihne nüt.

        Dadrzue fallt mir nüt ii,
        mir nüt ii.
        Dadrzue fallt mir nüt ii.

Promis wei ids Dschungelcamp,
zu Kakerlak und Barsch,
und d'Zytig schribt über Kim
Kardashians Arsch.

        Dadrzue fallt mir nüt ii,
        mir nüt ii.
        Dadrzue fallt mir nüt ii.

Nei, dadrzue fallt mir nüt ii.