Superpünkt, Superpünkt,
so wie's mi geng eso dünkt,
gits überall Superpünkt,
überall gits Superpünkt.
Supercard, Supercard-
wär weiss, was me drmit spart?
Ohni das wird ds Läbe hart,
hett me e kei Supercard.
Cumulus, Cumulus,
alli sammle Cumulus,
doch wie's geit, chunnt niemmer druus,
gliich wei alli Cumulus.
Supercard, Cumulus,
i chumm überhoupt nümm drus
und mach no vor Ladeschluss
mit so mängem Lade Schluss.
Supercard, Cumulus,
Superpünkt gäh mir dr Blues.
S'git nur eis, da chum i drus:
Jetz isch mit däm Liedli Schluss.
Keine Kommentare:
Kommentar veröffentlichen