Dialektsongtext: "Muetter Ärde"

(zur Melodie des Vern Gosdin Hits "Mother Country Music")

Smog und suure Räge macht dir z'schaffe sehr,
und die Ölpescht, wo's geng wider git im Meer.
Es wird immer wärmer, es isch jetz scho z'heiss.
Niemmer cha no säge, dass är das nid weiss.

                Muetter Ärde, wenn regeneriersch du di,
                damit ds Läbe wider läbenswärt cha si?
                I hoff für üs alli, es isch möglichscht gli.
                Muetter Ärde, wenn regeneriersch du di?

Ds Klima isch nümm so, wie's bi üs sötti si.
Wird hie künftig Trope oder Wüeschti si?
Doch d'Hoffnig uf Heilig isch no nid verbi,
wachst mit jedem Schmätterling, wo düre flüügt.

                Muetter Ärde, wenn regeneriersch du di,
                damit ds Läbe wider läbenswärt cha si?
                I hoff für üs alli, es isch möglichscht gli.
                Muetter Ärde, wenn regeneriersch du di?

                Muetter Ärde, wenn regeneriersch du di?