Dialektsongtext: "Engagierti Lieder"

Me hett lang nüt meh ghört vom Hannes Wader,

dr Wecker hett ou lang scho nümme gweckt,

dr Reinhard Mey macht lieber uf poetisch,

und dr Degenhardt isch eh scho lang verreckt.

       Mir brüchte wider engagierti Lieder,

       Lieder wo öppis ussäge tüe,

       mir brüchte wider engagierti Lieder,

       egal wär drmit hett so sini Müeh.

Dr Dylan tuet scho lang nümm proteschtiere.

Kris Kristofferson isch in Pension.

Pete Seeger cha jetz ou nümm meh marschiere,

und Phil Ochs hett sälber sich us em Spiel gno.

       Mir brüchte wider engagierti Lieder,

       Lieder wo öppis ussäge tüe,

       mir brüchte wider engagierti Lieder,

       egal wär drmit hett so sini Müeh.

Mir brüchte wider Lüt wie Mani Matter,

wo mit sehr wenig Wort sehr viel hett gseit.

Mir brüchte wider Lüt wie Woody Guthrie,

wo dere Wält zeige, dass's ou anders geit.

       Mir brüchte wider engagierti Lieder,

       Lieder wo öppis ussäge tüe,

       mir brüchte wider engagierti Lieder,

       egal wär drmit hett so sini Müeh.

       Mir brüchte wider engagierti Lieder,

       egal wär drmit hett so sini Müeh.