Die alte, wisse Manne
hei viel z'viel gmacht verchehrt,
hei ghoue üs i d'Pfanne
und geng dr Fride gstört.
Mir brüchte viel meh Froue,
wo a dr Spitze si.
Mir brüchte viel meh Froue,
wiu Froue spitze si.
Die alte, wisse Greise
hei üs nur Eländ bracht.
Mir brüchte neui Gleise,
bevor's würklich no kracht.
Mir brüchte viel meh Jungi,
wo a dr Spitze si.
D'Jugend müessti nid dung si,
wiu sie chönnt spitze si.
Politiker tüe lüge,
wei nume, was sie wei.
Ds Volk darf sich nümme füege,
muess ou mal säge: "Nei!"
Mir brüchte meh Vettroue
und Hoffnig sowieso,
öppis für druff ufzboue,
dass es wird besser cho.
Wenn d¨Lüt numme no mache,
was me ne vo obe seit,
denn gschehe schlimmi Sache,
das hett üs d'Gschicht mal zeigt.
Mir brüchte eignigs Dänke.
Mir brüchte meh Logik.
Mir brüchte gschiders Handle,
nid nume Politik.
Mir brüchte eignigs Dänke.
Mir brüchte meh Logik.
Mir brüchte gschiders Handle,
nid nume Politik.
Keine Kommentare:
Kommentar veröffentlichen