Dialekt-Songtext: "Bärner Gringe"

Berner Prominenz v.l. n.r.: Endo Anaconda, Gölä, Jimy Hofer,
Polo Hofer


Er sött sich scho lang mälde bim Amt
Doch dr Gedanke dra isch e Chrampf
Lieber bättlet er duss uf dr Gass
Und fragt d'Lüt um chli Münz uf dr Strass


        Ja, wiu Bärner Gringe si stur
        We sie öppis wie, wie sie's pur
        Da hilft kei Medizin und kei Kur
        Uesi Bärner Gringe si stur


Sie träumt von ere grosse Hochzyt
Doch ds Gäld längt hinger und vore nid
E chlineri chömi nid i Frag
Nid wenn me e settige Schritt wagt


        Ja, wiu Bärner Gringe si stur
        We sie öppis wie, wie sie's pur
        Da hilft kei Medizin und kei Kur
        Uesi Bärner Gringe si stur


Sie schriibe ir Stadt Parksünder uf
Eine macht sim Aerger luutstark Luft
Er sött wüsse, das nützt ihm alls nid
Wiu es si Bärner Beamte gsi


        Ja, und Bärner Gringe si stur
       We sie öppis wie, wie sie's pur
        Da hilft kei Medizin und kei Kur
        Uesi Bärner Gringe si stur


        Uesi Bärner Gringe si stur
        We sie öppis wie, wie sie's pur
        Da hilft kei Medizin und kei Kur
        Uesi Bärner Gringe si stur


        Uesi Bärner Gringe si stur