Dialektsongtext: "E Wält, wo fasch perfekt isch"

I ha scho Lieder gschriibe
Voll Hoffnig und voll Truur
Ha mängs Verbotnigs triibe
Bi mängisch gsy viil z'stur
Ou i ha mini Meinig
Die sägi jetze da
Luut und düütlich, klipp und klar
Wär wott, söll druuf iigah

        Mir läben i re Wält, wo fasch perfekt isch
        I re Wält, wo fasch defekt isch
        I bi nid Optimischt
        I bi nid Pessimischt
        Alles isch halb und halb
        I bliibe Realischt

Wett nid politisch wärde
Und mängisch wird i's gliich
Verstah gar nüt vo Wirtschaft
Und häbe d'Schnurre drii
Ou i ha halt miner Tröim
Won i doch tröime darf
Mängisch chly egoistisch
I bi nid immer brav

        Mir läben i re Wält, wo fasch perfekt isch
        I re Wält, wo fasch defekt isch
        I bi nid Optimischt
        I bi nid Pessimischt
        Alles isch halb und halb
        I bliibe Realischt

        Mir läben i re Wält, wo fasch perfekt isch