Dialektsongtext: "Krokodil-Rap"

Ds Schpitzkrokodil isch wider schpitz.

Ds Leischtekrokodil bringt Leischtig jitz.

Ds Schtumpfkrokodil laht das alles schtumpf,

und ds Sumpfkrokodil isch im Sumpf versumpft.


Ds Büülekrokodil hett e Büüle becho,

und ds Panzerkrokodil isch mit em Panzer cho.

Ds Philippine-Krokodil uf de Philippine
schlaht sini Zähn i Philipp ine.


Kro-kro-kro-ko-dil-dil.
Kro-kro-kro-ko-dil-dil.

Ds Weschtafrikanische Krokodil

bsuecht hüt ds Nilkrokodil am Nil.

Ds Siam-Krokodil, dert in Siam,
macht in Siam Riesetamtam.

Ds Orinoko-Krokodil am Orinoko

hett Bsuech vom Kaiman übercho,

und dr Kaiman seit vom Gavial:
"Dä Gavial, dä cha mi mal!"


Kro-kro-kro-ko-dil-dil.
Kro-kro-kro-ko-dil-dil.

Ds chliine Auschtralie-Krokodil
haltet vo andre Krokodil nid viil,

und dr Riim über d'Allligatore
han i unterwägs verlore.


Kro-kro-kro-ko-dil-dil.
Kro-kro-kro-ko-dil-dil.


Ds Schpitzkrokodil isch wider schpitz.
Ds Leischtekrokodil bringt Leischtig jitz.
Ds Schtumpfkrokodil laht das alles schtumpf,
und ds Sumpfkrokodil isch im Sumpf versumpft.

Ds Sumpfkrokodil isch im Sumpf versumpft.