Dialektsongtext: Osteolaemus tetraspis

Osteolaemus tetraspis,
Stumpfkrokodil,
wirsch nid länger als 1,90.
Das bedütet nid viil.
Dini Zähn si gliichwohl
spitz und scharf und viil,
Osteolaemus tetraspis,
Stumpfkrokodil.

Osteolaemus tetraspis,
Stumpfkrokodil,
kei Kaiman, kei Alligator,
gliich beherrschisch ds Schpiil.
Wenn d'Büüti aapirschisch,
geisch gradwägs zum Ziil,
Osteolaemus tetraspis,
Stumpfkrokodil.

Osteolaemus tetraspis,
Stumpfkrokodil,
bisch z'chliin für Mönsche z'frässe,
aber das seit nid viil,
bisch gliichwohl es Roubtier
und Büüti dis Ziil,
Osteolaemus tetraspis,
Stumpfkrokodil.

Osteolaemus tetraspis,
Stumpfkrokodil,
teil Lüüt finde di hässlich,
doch die verschtöh nid viil.
I find di süess und hoff,
bliibsch no lang im Schpiil,
Osteolaemus tetraspis,
Stumpfkrokodil.

Osteolaemus tetraspis,
Stumpfkrokodil,
es git nümme viil vo dir,
nei, würklich nümme viil!
Darum bisch gschützt, damit
wiitergeit dis Schpiil,
Osteolaemus tetraspis,
Stumpfkrokodil.

Osteolaemus tetraspis,
Stumpfkrokodil.